රුසියාවේ ගෑස්ප්‍රෝම් රාඡ්‍ය ආයතනය මඟින් යුක්‍රේනය හරහා යුරෝපය වෙත සිදුකරනු ලබන ගෑස් සැපයුම අද සිට සම්පූර්ණයෙන් නතර කිරීමට යුක්‍රේනය පියවර ගෙන තිබෙනවා. ඒ යුක්‍රේනය සහ රුසියාව අතර ඇති පස් වසරක ගිවිසුම අවසන් කරමින්. ගෑස් සැපයුම අත්හිටුවීමෙන් වැඩි බලපෑමක් එල්ල වී ඇත්තේ ස්ලෝවැකියාවට යි. යුක්‍රේන ඡනපති විලැඩ්මීර් සෙලෙන්ස්කි මේ පිළිබඳව අදහස් පළ කරමින් පවසා ඇත්තේ තම රුධිරය මතින් රුසියාවට මුදල් සැපයීමට අවස්ථාවක් ලබා නොදෙන බවයි. මේ අතර රුසියානු ඡනාධිපතිවරයා පවසන්නේ රුසියාවට වැදගත් වෙළදපොළක් අහිමි වුවද මෙමගින් යුරෝපය දැඩි පීඩාවකට පත්වනු ඇති බවයි.
යුක්‍රේනය ගෑස් සැපයුම නතර කරයි
