පාර්ලිමේන්තු සේවිකාවන්ට ලිංගික හිංසන කිරීම සම්බන්ධයෙන් වැරදිකරුවන් වූ පාර්ලිමේන්තු සේවකයන් තුන් දෙනකු සේවයෙන් පහ කර තිබෙනවා. නිවේදනයක් නිකුත් කරමින් පාර්ලිමේන්තුව පවසන්නේ අදියර කිහිපයක් යටතේ කළ විමර්ශන වලින් අනතුරුව අදාළ සේවකයන් සේවයෙන් පහකළ බවයි. 2021 සහ 2022 යන වසර වල පාර්ලිමේන්තුවේ සේවිකාවන්ට ලිංගික හිංසන වන බවට පුවත්පතක පළ වූ වාර්තාවකින් අනතුරුව එවක කතානායකවරයා මේ සම්බන්ධයෙන් පරීක්ෂණයක් ආරම්භ කර තිබුණා. අදළ සිද්ධිය සම්බන්ධයෙන් පරීක්ෂණ කිරීම සඳහා විශ්‍රාමලත් මහාධිකරණ විනිසුරු කුසලා සරෝජනී විරවර්ධන මහත්මිය පත් කළ අතර අදාළ පරීක්ෂණ වාර්තාව පසුගියදා පාර්ලිමේන්තු මහ ලේකම් කුෂාණී රෝහණදීර මහත්මිය වෙත ලබා දී තිබෙනවා. පාර්ලිමේන්තුව නිකුත් කළ නිවේදනය දැක්වෙන්නේ අදාළ වාර්තාව ප්‍රකාරවඅදාළ චූදිත නිලධාරින් සේවයෙන් පහකළ බවයි.
පාර්ලිමේන්තු සේවිකාවන්ට ලිංගික හිංසන. තිදෙනෙක් නෙරපයි.
