පලාගිය පුද්ගලයාගේ නිවසින් මතු වූ සුපිරි වාහන

රාගම පොලීසියට අනුයුක්ත පොලිස් නිලධාරීන් තිදෙනෙකුට තර්ඡනය කර පළා ගිය පුද්ගලයෙකුට අයත් අනන්‍යතාව තහවුරු කරගැනීමට නොහැකි වූ බෙන්ස් රථයක්, ඡිප් රථ 3 ක් ඇතුළු කෝටි 12 ට ආසන්න වටිනාකමකින් යුතු වාහන 5ක් රාගම පොලීසිය විසින් සිය භාරයට ගෙන තිබෙනවා. ගලහිටියාව ප්‍රදේශයේ පිහිටි අදාළ පුද්ගලයාගේ නිවසට ගොස් කළ පරීක්ෂාවේදී මෙම සුඛෝපභෝගී වාහන පොලිස් භාරයට ගෙන ඇති අතර එම අවස්ථාවේ කලහකාරී ලෙස හැසිරුණු නිවෙස් හිමියා, ඔහුගේ බිරිද සහ රියදුරෙක් අත්අඩංගුවට ගෙන තිබෙනවා. අත්අඩංගුවට ගත් සැකකරු වත්තල මහේස්ත්‍රාත් අධිකරණයට ඉදිරිපත් කිරීමෙන් අනතුරුව මේ මස 17 දා දක්වා රක්ෂිත බන්ධනාගාරගත කර තිබුණා.