ප්‍රංශයේ ට්‍රාන්ස්බර්ග් ප්‍රවාහන මධ්‍යස්ථානයේ දී ට්‍රෑම් රථ 2 ක් එකිනෙක ගැටී බරපතළ අනතුරක් සිදුව තිබෙනවා. එහිදී දුම්රිය දෙකේ ගමන් කල පුද්ගලයින් 30 දෙනෙක් තුවාල ලබා ඇති බවයි වාර්තා වන්නේ. ට්‍රෑම් රථ 2 එකිනෙක ගැටී අනතුරට ලක් වී තිබුණේ ඉන් එක් ට්‍රෑම් රථයක් හදිසියේ පථය වෙනස් කර අනෙක් පථයක් වෙත යොමු වීමෙන් අනතුරුවයි. ඉන් පසුව එය නවත්වා තිබූ ට්‍රෑම් රියක ගැටී තිබුණා. ඒ සමග විශාල දුමාරයක්ද පැතිර ගිය අතර දුම්රියේ සිර වු පිරිස් මුදා ගැනීම ආරම්භ කෙරුණේ ඉන් අනතුරුවයි. අනතුරින් කිසිවෙක් මියගොස් නැතත් තුවාල ලැබූවන්ගෙන් 5 දෙනෙකුගේ තත්වය බරපතළ බවට වාර්තා වනවා. මේ අතර අනතුරුට නිශ්චිත හේතු සොයා විමර්ෂණ ක්‍රියාත්මකයි.
ට්‍රෑම් රථ ගැටී ප්‍රංශයේ බරපතළ අනතුරක්
