ඊයේ පස්වරුවේ කොළඹ කොටුව පිහිටි ද ස්ටුවර්ට් බයි සිට්රස් හෝටල් ගොඩනැගිල්ලේ 07 වැනි මහලේ ගින්නක් හට ගෙන තිබුණා . මහල් නවයකින් යුත් එම ගොඩනැගිල්ලේ ඊයේ පස්වරු 5ට පමණ මෙම ගින්න හට ගෙන තිබූ අතර වහාම එම ස්ථානයට කොළඹ ගිනි නිවීමේ ඒකකය පැමිණියා .
ගින්න හේතුවෙන් ගොඩනැගිල්ල තුළ සිර වී සිටි සංචාරකයින් ඉන් ගලවා ගැනීමේ කටයුතු ආරම්භ කළා. එහිදී සිර වී සිටි විදෙස් සංචාරකයකු බේරා ගත්තා. ඒ වන විටත් කොළඹ කොටුව ප්‍රදේශයේ යම් නොසන්සුන්කාරී තත්වයක් හට ගෙන තිබුනා .
මහල් 9කින් සමන්විත මෙම හෝටලයේ 7 වන මහලේ මෙම ගින්න හට ගෙන තිබුනා. ඊට හේතුව විදුලි කාන්දුවක් බවට සැක කරන බව විවිධ පිරිස් මත කර තිබේ. කෙසේ වෙතත් මෙම ගින්නට හේතුව නිශ්චිතව අනාවරණ වී නැහැ.
කොපමණ පිරිසක් හෝටලය තුල රැදී සිටියා ද කියන එක පිළිබවද නිශ්චිතව ගණනක් ලබා දීමේ අවස්ථාවක් නොමැති බවයි වාර්තා වුනේ. කෙසේ වෙතත් මෙම ගින්නෙන් කිසිදු ජීවිත හානියක් සිදු ව නැහැ .
