රට තුළ කිසිදු ඖෂධ හිඟයක් හෝ බාල ඖෂධ කිසිවක් නොමැති බව රාඡ්‍ය ඖෂධ නීතිගත සංස්ථාවේ සභාපති විශේෂඥ වෛද්‍ය මනෝඡ් වීරසිංහ මහතා ප්‍රවෘත්ති සාකච්ඡාවක් කැඳවමින් ඊයේ (26) ප්‍රකාශ කළා.
“අපට බොහෝවිට දක්නට ලැබෙන්නේ බාල බෙහෙත් රටට ගේනවා කියලා. බාල බෙහෙත් කියලා ලෝකේ කොහේවත් නෑ. ඒ කියන්නේ බෙහෙත් නෑ කියන එක නෙවෙයි. බෙහෙත් විවෘත වෙළදපොළෙන් මිලදී ගැනීමේ ක්‍රමවේදයක් තියනවා. ඒ ආයතනවල අධ්‍යක්ෂවරුන්ට ඒ සඳහා බලය ලැබී තිබෙනවා.”
වෛද්‍ය මනෝඡ් වීරසිංහ – සභාපති – රාඡ්‍ය ඖෂධ නීතිගත සංස්ථාව
කෙසේවෙතත්, රුපියල් බිලියන ගණනක් වියදම් කරමින් ස්ථාපිත කළ වෛද්‍ය සැපයුම් ඒකකයේ නව දත්ත පද්ධතිය අනුව ඖෂධ සැපයුම් ඡාලය නිවැරදි කිරීමට නොහැකි වීම නිසා ඊට අදාළ සියලු නිලධාරීන් නීතිය හමුවට ගෙන ආ යුතු බව වෛද්‍ය චමල් සංඡිව මහතා පවසනවා.
“මේ රටේ මිනිස්සු අලුත් ආණ්ඩුවක් පත්කර ගත්තේ කෙහෙළිය රඹුක්වැල්ලගේ කාලයේ මාධ්‍ය ඉදිරියට ඇවිල්ලා මාධ්‍ය සංදර්ශන දමමින් මිනිස් ඡිවිත අවතක්සේරුවට ලක් කරපු නිලධාරීන්ව ඉවත් කරලා මේ රටේ මිනිස්සුන්ට වගකියන සෞඛ්‍ය සේවාවක් බිහි වෙයි කියන විශ්වාසය ඇතුව. හැබැයි ඒ විශ්වාසයේ අවම බලාපොරොත්තුවක් තිබ්බනම්, ඒක ඊයේ..
අර අමාත්‍යාංශ නිලධාරීන්ට තිබුණු මාධ්‍ය සාකච්ඡාවේ දී සුනු විසුණු වෙලා යනවා. සාමාන්‍ය වෛද්‍ය සැපයුම් ඡාලය හදන්න බැරි එක නිවැරදි කරන්න පැලැස්තර විසදුමක් තමයි මේ ප්‍රාදේශීයව බාහිර ඔසුහල් වලින් ඖෂධ මිලදී ගන්න රෝහල් අධ්‍යක්ෂකවරුන්ට මුදල් ලබාදෙන එක. ඒ විදියට ප්‍රාදේශීයව මිලදී ගන්න මුදල් ලබා දුන්නට පස්සේ සාමාන්‍ය ඖෂධයක් වගේ සිය දහස් ගුණයක් වැඩි මුදලකට තමයි බෙහෙත් මිලදී ගන්න රෝහල් අධ්‍යක්ෂවරුන්ට සිද්ධ වෙන්නේ.
ඒ වගේම අමාත්‍යාංශ විමර්ෂණ ඒකකය විගණනය පැහැදිලිව මහනුවර ඡාතික රෝහල ඇතුළු රෝහල් රැසක මේ වගේ ප්‍රාදේශීයව බෙහෙත් මිලදී ගන්න ගියාම සිදුවෙච්ච දූෂණ ගැන විමර්ෂන පවත්වනවා. ඒ නිසා කෙහෙළිය පාට් 2 එක කරන්න තමයි මේ නිලධාරීන් තුන් දෙනා කියන්නේ දැන් මේ මාධ්‍ය සාකච්ඡාව පවත්වලා.
රාඡ්‍ය ඖෂධ සංස්ථාවේ සභාපතිවරයා ප්‍රකාශයක් කරනවා බාල බෙහෙත් කියලා දෙයක් නැති බව. ඔහු වෛද්‍යවරයෙක් බවත් සඳහන් වෙනවා. මම කනගාටු වෙනවා. ඔහුට කියනවා මෙන්න මේ සඟරා දෙක කියවන්න කියලා. එකක් තමයි ලැන්සෙට් වෛද්‍ය සඟරාව.
මොනවද බාල ඖෂධ කියලා ඡාත්‍යන්තරව විශ්ලේෂණය කරලා පර්යේෂණ පත්‍රිකා අනුව ලෝකය ප්‍රකාශයට පත්කරලා තිබෙනවා යම්කිසි ඖෂධයක ඖෂධීය ගුණාංග නැත්නම්, ඒක තත්වයෙන් බාල වෙනවනම්, ඒ බෙහෙතේ රසායනික ගුණාංගය වෙනුවට වෙනත් රසායනික ද්‍රව්‍යක් තිබෙනවනම්, ඖෂධයේ පෙනුම, පැහැය, හැඩය, ගුණාංග, ඒක කඩන්න පුළුවන් හැකියාව, ඒක දියවෙන හැකියාව නිවැරදි පරිදි නැත්නම්, බෙහෙත් වෙනුවට වතුර විදිනව නම් ඒවා ඔක්කොම බාල ඖෂධ. බ්‍රිතාන්‍ය වෛද්‍ය සඟරාව බී. එම්. ඡේ. නැවත ඒ සම්බන්ධව ඉතා පැහැදිලිව සඳහන් කරනවා.
බ්‍රිටිෂ් මෙඩිකල් ඡර්නල්.. ඉතිං මේව ගැන දන්නෙ නැති අය ඖෂධ නියාමන අධිකාරීවල, නැත්තං රාඡ්‍ය ඖෂධ සංස්ථාවල මුල් පුටුවල තියන්න නලින්ද ඡයතිස්ස සෞඛ්‍ය ඇමතිතුමා තීරණය කළේ ඇයි කියන එක දැන් අපට බරපතල ප්‍රශ්නයක්. මොකද මේ රටේ මිනිස්සු තවත් කෙහෙළිය රඹුක්වැල් යුගයක් බලාපොරොත්තු වෙන්නේ නෑ. ඖෂධ හිඟය නැති කරන්න 2026 වෙනකං බලන් ඉන්න වෙනවා නම්, සෞඛ්‍ය ලේකම් කෙනෙක් අපිට ඕන නෑ. සෞඛ්‍ය අධ්‍යක්ෂ ඡෙනරාල් කෙනෙක් අපට ඕන වෙන්නේ නෑ.”
වෛද්‍ය චමල් සංඡිව – සභාපති – වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය
